Prentsa oharrak
Abenduak 7, Asteazkena
Animakom FEST 2022
Abenduaren 12tik 19ra ANIMAKOM FEST, Bilboko Animazio Zinemako Nazioarteko Jaialdiaren seigarren edizioa iritsiko da Bilborock-era. Derrigorrezko hitzordua da zale eta profesionalentzako, eta urtea 2022ko animazioaren munduko lan onenekin itxiko du.
Abenduaren 12tik 19ra ANIMAKOM FEST, Bilboko Animazio Zinemako Nazioarteko Jaialdiaren seigarren edizioa iritsiko da Bilborock-era. Derrigorrezko hitzordua da zale eta profesionalentzako, eta urtea 2022ko animazioaren munduko lan onenekin itxiko du. Programak laburmetraien lau sail lehiakor izango ditu (nazioarteko lehiaketa, ikasleen lehiaketa, euskal laburmetraiena eta bideoklip animatuena). Ostiralean, abenduak 16, “Black is Beltza II: Ainhoa” filma, Goya sarietarako izendatu berria, proiektatuko da. Fermin Muguruza zuzendaria bertan egongo da filma aurkezteko, Jone Unanua ekoizlearekin eta Kepa de Orbe storyboard artistarekin batera. Edizio honetako beste protagonista nagusia Joanna Quinn artista britainiarra izango da. Bere ibilbidearen omenez 2022ko Animakom Saria jasoko du, eta larunbatean, abenduak 17, bere lanaren atzerabegirako bat proiektatuko da, Oscarretako azken edizioan izendatu zuten “Affairs of the Art” laburmetraia barne. Bestalde, Joanna Quinnek bere lanari buruzko masterclass bat eskainiko du DigiPen Institutuan. Jaialdiko jarduera hezigarrien artean, haurrentzako animazio-tailer bat eta mundo osotik iritsitako profesionalen arteko topaketak ere egongo dira. Nabarmentzekoak dira sektoreko jaialdi garrantzitsuenetako programatzaileek, artista berrien proiektuak hobetzeko eta aurreratzeko asmoz, eskainiko dituzten mentoring saioak. Ekitaldi guztietarako sarrera doakoa da, eta lehen aldiz euskaraz zein gaztelaniaz zatika gozatu ahal izango dira, jaialdiaren astean zehar Filmin plataforman online jarraitzeaz gain. ANIMAKOM FEST Pedro Rivero zuzendari eta gidoilari bilbotarrak zuzendutako jaialdia da, Develop eta Media Attack Elkarteak antolatua eta Bilboko Udala, Bizkaiko Foru Aldundia, SGAE Fundazioa, Laboral Kutxa eta EPE/APV euskal ekoizleen elkartearen partaidetzarekin. Jaialdiari buruzko informazio guztia animakom.com webgunean aurki daiteke.
Prentsa materiala
