Araudiak

ANIMAKOM animazio zineman espezializatua den nazioarteko jaialdi lehiakor bat da, 2020-ko Apirilaren 2 eta 8 bitartean Bilbon ospatuko dena.

Izen-ematea edozein animazio teknika erabiltzen duten filmei eskaintzen zaie, baita irudi errealekin konbinatzen diren filmei ere, beti ere irudi animatua produkzioaren %50 baino gehiago denean. ANIMAKOM-ek baldintza hau betetzen duten filmak zeintzuk diren erabakitzeko eskubidea du.

LEHIAKETARAKO KATEGORIAK

Edizio honetan 20 minutuko iraupen maximoa duten LABURMETRAIAK soilik onartuko dira, ondorengo kategorietan aurkeztuak izan daitezkeenak:

1. Nazioarteko Lehiaketa
2. Ikasleen Lehiaketa –ikasketa zentru batean ekoiztutako filmak–.
3. Salbuespen modura, ANIMAKOM-ek serie bateko atalak hautatu ditzake betiere narrazioa atal berean hasi eta amaitzen bada.

* ANIMAKOMek, izena eman duten filmen artean baldintzak betetzen dituztenak hautatzeko eskubidea du.

PROIEKZIO KOPIAK

Proiekzio kopia modura HD screenerrak .H264 kodedunak erabiliko dira, izen-ematean erabilitakoaren berdinak.
ANIMAKOM-ek aurkeztutako kopia ukatzeko eskubidea du, baldin eta kopiak proiekzioan arazoak ematen baditu.

EPAIMAHAIA ETA SARIAK

ANIMAKOMeko Zuzendari Artistikoak proposatutako nazioarteko bi epaimahaiak egingo dituzte bi lehiaketen balorazioak.
Hasiera batean aurreikusitako bi lehiaketen sariak honakoak izango dira:

1. NAZIOARTEKO LEHIAKETA
   1. Nazioarteko Lehiaketako Sari Nagusia (500 € + Garaikurra)
   2. Nazioarteko Lehiaketako Epaimahaiaren Saria (200 €)
   3. Nazioarteko Lehiaketako Epaimahaiaren Aipamen Berezia
2. IKASLEEN LEHIAKETA
   1. Ikasleen Lehiaketako Sari Nagusia (500 € + Garaikurra)
   2. Ikasleen Lehiaketako Epaimahaiaren Saria (200 €)
   3. Ikasleen Lehiaketako Epaimahaiaren Aipamen Berezia
3. LABORAL KUTXA AWARD
   1. Horrez gain, edozein bi kategorien artean parte hartzen duten eta Euskal Herrian jaio edo bizi den egilea duten filmen artean, EUKAL LABURMATRIRIK ONENAren saria banatuko da. ANIMAKOMek argituko du zein film diren sari honetarako hautatuak.
   2. ANIMAKOMek argituko du zein film diren sari honetarako hautatuak.
   3. Sari honen izendapena beste edozein sarirekin bateragarria izango da.
4. (*) BESTEAK
   1. Premio del Público (300 €).
   2. Emakume Zuzendari Onenaren Saria, Zinemakumeak gara! elkarteak izendatutako epaimahai batek egotzia (Garaikurra).
   3. Gidoi Onenari Saria, Euskal Herriko Gidoigileen Elkarte Profesionala erakundeak izendatutako epaimahai batek egotzia. (Garaikurra).
   4. Berrikuntzaren Saria, Bilbao Berrikuntza Faktoria erakundeak izendatutako epaimahai batek egotzia. (Garaikurra).

Epaimahaia, aipatutako sari guztiak egoztera konprometitzen da, kategoria bakoitzean aipamen bat baino gehiago egotearen aukera beraien esku egonik. ANIMAKOMek jaialdiaren ospatze data baino lehen abisatuko du sariren batek ordainsaria izango duen ala ez.
Epaimahai ofizialak egotzitako sari ofizialez gain, ANIMAKOMek beste erakunde edo instituzio euskaldun, nazional edo nazioartekoek sariak egoztea onartu ahal izango du.

*Sari hauen izendapena nazioarteko epaimahaiak egotzitako beste edozein sarirekin bateragarria da.

ESKUBIDEAK, BETEBEHARRAK ETA ERANTZUKIZUNAK

Partaide guztiek aurkeztutako filmen egile edo jabe izatea deklaratzen dute, bertan agertzen diren irudi, soinu edo musika guztiaren baimena izanik.
Egile eskubideen erabileraren inguruan legezko erreklamazio bat izanez gero, ANIMAKOM edozein erantzukizunetatik salbuetsita geratuko da. Erreklamazioa izena emandako pertsona edo entitate egilearen gain soilik egokituz.
Film sarituen produktore eta zuzendariek filma material sustatzaile bezala erabiltzen duten bakoitzean, sariaren izena, urtea eta ANIMAKOMen izena aipatu beharko dute. Horretarako, ANIMAKOMek artxibo bat bidaliko du logoarekin, jasotako sariaren izenaren testua ondoan duelarik.
ANIMAKOMek film sarituak proiektatzeko baimena izango du arrazoi akademikoengatik edo jaialdiaren sustapenerako, beti ere karakter ez-komertzialarekin.
Film bat proiekzio komertzial baterako beharrezkoa bada ANIMAKOMen aurkeztua izan ondoren, filma edo programazio ofiziala sustatzeko asmoz, ANIMAKOM, izena eman zuen pertsonarekin kontaktuan jarriko da bere baimena eskuratzeko.
ANIMAKOMek, promoziorako, izen ematearekin erlazionatutako materiala erabiltzeko eskubidea izango du. Baita film bakoitzeko zati bat ere, zati horren luzera ez da inoiz izango filmaren luzeraren baino gehiagokoa eta ez du inoiz 2 minutu baino gehiago iraungo.
ANIMAKOMek araudi hau aldatzeko eskubidea izango du hala egiteko beharra ikusten badu.

ARAUDIAREN ONARPENA

ANIMAKOMen parte hartze eta izen emateak, partaideak araudiko baldintza guztiak onartzen dituela inplikatzen du.
Araudia ingelesez, gaztelaniaz eta euskaraz erredaktatua izan da eta anbiguotasun baten aurrean gaztelaniazko bertsioak izango du lehentasuna.